सिद्धार्थ राजमार्ग अन्तर्गत पाल्पाको चिदीपानी -१ विरौटामा शुक्रवार भएको कार दुर्घटनामा एक जनाको मृत्यु भएको छ । दुर्घटनामा परी तीन जना घाइते भएका छन् ।
पोखराबाट वुटवल हिडेको ग १ ज ३८०५ नम्वरको ट्याक्सी दुर्घटनामा परी बाग्लुङ्ग, ताराखोलाका चेतराम कन्डेलको घटनास्थलमै मृत्यु भएको छ । म्याग्दी मुन गाविस ४ का नन्दप्रसाद रोकामगरको अवस्था चिन्ताजनक रहेको प्रहरीले जनाएको छ । उनको लुम्विनी मेडिकल कलेज, प्रभास पाल्पामा उपचार भइरहेको छ । अस्पतालका अनुसार उनको अवस्था गम्भीर छ ।
घाइते चालक गोरखा ठूलो रिपका गणेश रानामगर र बाग्लुङ्गका धनबहादुर रानामगरको तानसेन स्थित मिसन अस्पतालमा उपचार भईरहेको छ । दुर्घटनाग्रस्त ट्क्याक्सी सडकबाट १ सय मिटर तल खसेको प्रहरीले जनायो ।
No comments:
Post a Comment