अर्घाखाँचीका धार्मिक धरोहरहरु र आस्था एवं बिश्वासका केन्द्रहरु

Friday, October 21, 2011

छोराले दाउराले हिर्काएर आफ्नै बुबाको हत्या

पाल्पाको भूवनपोखरी गाविस २ मा छोराले दाउराले हिर्काएर आफ्नै बुबाको हत्या गरेका छन् ।
४३ वर्षीय दिपबहादुर आलेले ७५ वर्षीय बाबु बसन्तबहादुर आलेलाई चिर्पटले हिर्काएर हत्या गरेका हुन् । छोराको कुटाइबाट घाइते भएका बृद्धको उपचारका क्रममा मृत्यु भएको प्रहरीले जनाएको छ ।

बिहीबार घाइते भएका बसन्तलाई लुम्बिनी मेडिकल कलेज प्रभासमा उपचार गरेर घर लगेपछि उनको मृत्यु भएको छ । छोरा दिप बहादुर प्रहरीले नियन्त्रणमा लिएर अनुसन्धान गरेको जनाएको छ ।

सामान्य झगडाको क्रममा बाबुले समात्न आएपछि चिर्पटले हिर्काएको प्रहरीको बयानमा छोरा दिपले भनेका छन् ।



सन् २०१२ लाई लुम्बिनी भ्रमण वर्ष भनि नेपाल सरकारद्धारा गरिएको घोषणाप्रति युवा बौद्ध समूह काठमाडौँको आपत्ति

सरोकारवालासँग कुनै परामर्श नै नगरी सन् २०१२ लाई लुम्बिनी भ्रमण वर्ष भनि नेपाल सरकारद्धारा गरिएको घोषणाप्रति युवा बौद्ध समूह काठमाडौँले आपत्ति प्रकट गरेको छ। बुद्धधर्मको प्रसारप्रसार र प्रवर्द्धनमा लामो समयदेखि समर्पित व्यक्ति तथा संस्थाहरुको प्रतिनिधित्व बिना नै भ्रमण वर्ष र उच्चस्तरीय बृहत लुम्बिनी विकास राष्ट्रिय निर्देशक समिति गठनको घोषणा गरिएकोमा आपत्ति प्रकट गरेको हो।


युवा बौद्ध समूहले एक विज्ञप्ति जारी गर्दै यसप्रति खेद ब्यक्त गरेको छ। विश्वका असंख्य बौद्धजनको आस्थाको केन्द्र भगवान् बुद्धको पवित्र जन्मस्थल लुम्बिनीमा विकास निर्माणका कार्य अघि बढाउने काम जापानी वास्तुकलाविद केन्जो टाँगेले तयार गर्नुभएको गुरुयोजनाविपरीत हुन नहुनेतर्फ पनि समूहले सबै पक्षको ध्यानाकर्षण गराएको छ।

प्रधानमन्त्री डा बाबुराम भट्टराईको भारत भ्रमणको बेला लुम्बिनीको जन्मस्थलबारे छिमेकी मुलुकबाट हुँदैआएको मिथ्याप्रचारको नेपाल सरकारको तर्फबाट आधिकारिक तवरमा खण्डन गरिनुपर्ने माग पनि विज्ञप्तिमा गरिएको छ।