अर्घाखाँचीका डोकामान्द्रा बुन्ने चित्रेको पेशा संकटमा

 अर्घाखांची जिल्लाका ग्रामीण भेगका डोकामान्द्रा बुन्ने चित्रेको पेशा क्रमश संकटमा पदै गएको छ । गाउंशहर जताततै आजभोली बढ्दो प्लाष्टीक जन्य भांडाकुडाको प्रयोगका कारण बांसबाट बनाइने चित्रेको पेशा समेत संकटमा पदै गएको हो ।

पहिले प्रत्येक घरमा बर्षमा आधादर्जन बढि चाहिने डोकामान्द्रा मानिसको खेतीप्रतीको रुचीको कमिका साथै आधुनिक समानको बढ्दो प्रयोगले कमि आएको अर्घातोष ५ अर्घाखांचीका ७७ वर्षिय चित्रे धनबहादुर विकको भनाइ छ । पहिला बालीप्रथामा बर्षदिन डोका-मान्द्रा बुन्ने गरेकोमा अहिले बल्लतल्ल ज्यालादारीमा समेत काम पाउन मुश्कील हुने गरेको उनको अनुभव छ । दलित जातीका बुढा, पुराना विश्वकर्माले डोकामान्द्रा बुन्ने काममा बढि रुचि राखेपनि अहिलेका युवापुस्ता यो पेशाबाट भन्दा अन्य पेशाबाट बढि आम्दानी लिन थालेपछि चित्राबुन्ने पेशाबाट विमुख हुंदा कमि आएको स्थानीयबासिन्दा बताउंछन् ।

अर्घाखाँचीको जलुके गाविमा एक सुत्केरी महिलाको गयो

 

अत्याधिक रक्तश्राबका कारण अर्घाखाँचीको जलुके गाविमा एक सुत्केरी महिलाको ज्यान गएको छ । ढीलोे प्रसुति सेवावाट वच्चा जन्माए पनि महिलालाई अत्यन्तै रक्तश्राव भएपछि जलुके १ जुवाकोट निवासी १९ वर्षीय तारा पुलामीको ज्यान गएको हो ।


लामो समयसम्म सुत्केरी व्यथाले च्याँपेछि झण्डै १० घण्टाको वाटो डोलिमा वोकेर प्रसुति सेवाको लागि अर्घाखँचीकै ठाडा प्राथमिक स्वास्थ्यकेन्द्रमा पुर्याईएको थियो । प्राथमिक स्वास्थ्यकेन्द्रमा नवजात शिशुलाई जन्म दिएकि सुत्केरी पुलामिको घरफर्कदै गर्दा वाटोमै ज्यान गएको स्थानीयवासीले वताएका छन् । नवजात शिशु सकुसल रहे पनि वालपोषणमा भने निकै समस्या भएको छ । वर्षातको समयमा अवरुद्ध वनेको सडक मर्मत नहुँदा सवारी साधन नचलेपछि ती महिलालाई समयमै स्वास्थ्यचैकि सम्म पुर्याउन नसकेको स्थानीयवासीले वताएका छन् ।